السلام عليكم ورحمة الله وبركاته



نعم نعم !! انت بتقول ايه ؟! نعم يا خويا ؟!


كل دى عبارات ممكن نسمعها او نسمع اكتر من كده كمان من الاخوه

اللى عندهم خلفيه كويسه فى العربيات لما يشفوا عنوان

الموضوع ده ندخل فى الموضوع بقى طبعا كلنا عارفين ان لانوس دايما دايو

و دايو من لانوس بمعنى ان شركه دايو هيا

المنتجه لموديل العربيات لانوس والغريب ان شفرليه تدخل فى الموضوع ويبقى

الموديل كله شيفروليه لانوس طبعا عايزين

نعرف القصه تعالوا يلا نعرف سوا

القصه بدأت من حوالى اربع ايام وانا بتصفح ملحق السيارات بتاع اخبار اليوم

لقيت العنوان الغريب ده فطبعا الفضول خدنى

وقولت لازم ادعبس على الحكايه دى المهم فعلا دعبست وفهمت وطلع ان

بعد ما قضت الازمة المالية علي طموحات شركة

دايو الكورية وأعلنت الشركة افلاسها اشترت جنرال موتورز العملاقة مصنع

دايو اللى فى كوريا لا وايه

كمان أخدت العربيه لانوس علامة شيفروليه وتبقى العربيه موديل شيفروليه

لانوس بس دى كل القصه ولكن فى مزيد

من الدعبسه والتفاصيل اتضح اساسا ان مصر معندهاش علم بالموضوع

ده تقريبا ولا حتى توكيل دايو اللى فى مصر

طبعا اللى ماسك دايو دلوقتى هو ابو الفتوح ((اللى طوب الارض يعرفه دلوقتى))

بجانب توكيل اسبرنزا زى ما كلنا عارفين

وكذلك توكيل شفيروليه كل المسؤلين فى توكيل منصور شيفروليه برضه بيأكدوا

وبينفوا الخبر ده طيب ازاى يا جماعه اذا


كانت فيه تقارير بتوضح إلى أن "شيفروليه" اشترت "دايو" من سنوات ولكن

مسئولو "المنصور" برضه لسه بيقولوا لآ

الحقيقه فين متعرفش بس الواضح جدا ان شيفروليه اشترت دايو ميه فى الميه ده كل الكلام

اما عن المواصفات الفنية للعربيه :

المحرك :4 سلندر 1498 سي سي

القدرة :86 حصان

العزم :133 ن/ م عند 3400 لفة

السرعة القصوي :180 كم/س

التسارع حتي 100 كم :12.5 ث هههههههههههههههههههه

التجهيزات الاساسية :باور ستيرينج / تكييف / راديو MP3 /4سماعات / حامل اكواب /الوان ميتالك /

شبكة أمامية من الكروم / قضبان لامتصاص الصدمات

وسعرها النهارده 66500 جنيه اى خدمه لسه سأل عليها فى التوكيل

طبعا العربيه متوفره بنفس عيوب اللانوس واهما العفشه لان شيفروليه اخدتها كده وخلاص بدون اى تعديل فى العربيه

ولا اى حاجه حط العلامه وخلاص



بس انا بقى عندى كلمتين كده على متسوبيشى




نفسى اقولهم طبعا بعد تعرضى لظروف كده فى الفتره الماضيه اتضح ليا حاجه

انى خلاص معتش اثق تانى فى متسوبيشى انا بالفعل كان معايا لانسر

ايفليوشن طبعا العربيه راحت فى داهيه من حادثه كده

عملتها الغريب بقى ان الناس استغربت جدا لما شافت العربيه بعد الحادثه بقى

فرافيت رغم ان الكل بيقول ان العربيه لو ورق

مش ممكن تتكسر كده وغيره من المشاكل اللى كانت بتظهر معايا انا شخصيا زى

الموتور و و و الى اخره واللى خلانى اعتقد

ان موضوع شيفروليه لانوس ده يعتبر سياسة الضحك على الزبون حاجه مش

جديده على الشركه دى وده موجود من

التسعينات لم كانت تبيع العربيه النص نقل بثلاث ماركات و علامات مختلفة شيفروليه

- بيدفورد - ايسوزو !!!!!!! حاجه

زى الفل يعنى و كمان بفرق سعر كبير قوى بين الثلاثه و الفرق كان الشبكه و استيكر

الأسم على الصنوق ده كمان العربيات

النقل ( الجامبو ) دى مخصصه لنقل البضائع و الحيوانات ! هما بقى ضحكوا على الناس

و عملوها اتوبيسات بدون اى

تعديل فى العفشه و كل شويه يقولوا الدبابه الدبابه و هى ولا دبابه ولا حاجه وطلعت

بطيخه ودى بجد عن تجربه وطلعت

النيسان احسن منها بمراحل كل الناس كانوا بيقولوا دى وحشه بس بصراحه انا

لما جربتها عرفت ان مش كل حاجه بتتقال

فى السوق بتكون صح


وبالتالى دلوقتى خلاص حرمت شفروليه واشتريت مازدا ماركه محترمه واسم ليه

وزن فى السوق بعيدا عن الشفروليه

والغش بتاع مدير المبيعات بتاعها بس انا كده ارتحت واخدت حقى من شيفروليه

ودى يا جماعه بعض صور الخدعه اللى مسمينها شيفروليه لانوس وبرضه علامه

شيفروليه وعلامه دايو علشان الناس

برضه تعرف الفرق خليكوا مع الصور




دى علامه الشيفروليه







ودى علامه الدايو








ودى صور للعربيه التحفه اللى بنكلم عليها اللى هيا شيفروليه لانوس








ودى كمان







بس كده ويارب الموضوع او التقرير ده يعجبكم ويكون وضح ليكم الخدعه اللى فى


السوق دلوقتى ودمتم ساليمين